Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Йәмғиәт
17 Февраль 2010, 11:55
Өфөгә илебеҙҙән аспиранттар һәм ғалимдар йыйылды
Өфө дәүләт авиация техник университетында аспирант һәм йәш ғалимдарҙың “Фән һәм техниканың актуаль мәсьәләләре” V бөтә Рәсәй ҡышҡы мәктәп-семинары асылды. Был сараның «У.М.Н.И.К.-Башҡортостан 2010» бөтә Рәсәй конференция-конкурсы этаптарының береһе булыуын билдәләргә кәрәк. Фәнни форумда ҡатнашыуға баш ҡалаға илебеҙҙән 150-ләп тикшеренеүсе йыйылған. Инновацион эшмәкәрлек аша үҙ аллы үҫешергә ынтылған йәш ғалимдарҙы табыу, йәштәрҙең фәнни-техник инновацион эшмәкәрлектә күпләп ҡатнашыуын булдырыу программаның төп маҡсаты иҫәпләнә.
"Башинформ" агентлығына ӨДАТУ-нан хәбәр итеүҙәренсә, мәктәп-семинар эше алты фәнни секцияларҙа үтә: мәғлүмәт технологиялары; химия, яңы материалдар, химик технологиялар; машиналар төҙөү, электроника, приборҙар төҙөү; иҡтисади һәм социаль системаларҙа идара итеү; иҡтисади үҫештең теоретик и практик мәсьәләләре; тәбиғәт фәндәре.
20 февралдә форумға йомғаҡ яһаласаҡ.
Автор:
Эльмира Сабирова
Теги:
фән
Читайте нас: