Башҡортостан һәм Өфө яңылыҡтары
58.1
0
56.48
0
86.71
-3.75
10+ °C
Болотло
Бөтә яңылыҡтар
Йәмғиәт
9 Февраль 2010, 15:23

Архитекторҙар йортонда 2009 йылдың иң яҡшы проектын һайлаясаҡтар

Өфөлә «2009 йылдың иң яҡшы проекты» республика күргәҙмә-конкурсы үтәсәк.
Экспозиция Өфөнөң Архитекторҙар йортонда (Пархоменко урамы, 101/1) асыласаҡ. Килеүселәр өсөн ул 17 февралдән 27-һенә тиклем асыҡ буласаҡ. Инеү ирекле.
Архитекторҙар йортонан хәбәр итеүҙәренсә, иң яҡшы проекттар ете номинацияла –архитектура һәм ҡала төҙөлөшө проекттарының төрлө йүнәлештәре буйынса – билдәләнәсәк. Конкурс комиссияһы шулай уҡ 2009 йылдың иң яҡшы бер проектын һайлап аласаҡ.
Күргәҙмәлә архитекторҙарҙың, ижади коллективтарҙың, проект ойошмаларының, юғары уҡыу йорттары һәм төҙөлөш колледжы студенттарының 60-тан ашыу эше ҡуйылған.
Конкурсҡа йомғаҡ 27 февралдә яһаласаҡ. Еңеүселәрҙе дипломдар менән бүләкләйәсәктәр. 2009 йылдың иң яҡшы проекты авторына күсмә приз – гәлсәр шар тапшырасаҡтар.
Автор:Эльвира Латипова
Читайте нас в