«Әсәлек илаһилығы» бөтә Рәсәй программаһы нигеҙендә Рәсәйҙә ике проект ғәмәлгә ашырыласаҡ

Эльмира Сабирова

«Әсәлек илаһилығы» – «Рәсәй милли даны үҙәге» йәмәғәт ойошмаһы программаһы ул.

Ул йәмәғәтселек аңында ғаилә, әсәлек, аталыҡ һәм балалыҡҡа иң ҙур ҡиммәттәргә булған кеүек ҡараш тәрбиәләүгә йүнәлтелгән. Программаны бойомға ашырыусы тәүге майҙансыҡ булып Красноярск һайланған. Яҡын арала проект Саранск, Дондағы Ростов, Вологдала тормошҡа ашырыла башлаясаҡ.

Программаны әҙерләүселәр әйтеүенсә, мөһим социаль институт булараҡ ғаиләгә ярҙам итеү, физик һәм рухи яҡтан сәләмәт рәсәйлеләрҙең яңы быуыны тыуыуына булышлыҡ итеү – дөйөм халыҡ өсөн, кешелек өсөн мөһим бурыс.

Был бөтә Рәсәй программаһына нигеҙ булып тороусыларҙың береһе - “Һин яңғыҙ түгел” проекты. Ул ауыр хәлдә тороп ҡалған ҡатын-ҡыҙҙарға адресланған һәм тәү сиратта аборттарҙы профилактикалауға йүнәлтелгән. Психологтарҙың балаһын алдырырға ниәтләгән ҡатындар менән эшләүе һөҙөмтәһендә 18 пациент был уйынан баш тартҡан һәм сабыйын һаҡлап алып ҡалған.

Дәүләт учреждениеларының йәмәғәт ойошмаларында психологтар эшләй башлауына әҙерлек алдан алып барылған булыуын билдәләү мөһим. Милли дан үҙәге аборт проблемалары буйынса йәмәғәтселек менән бәхәс ҡорған, киң мәғлүмәт сараларында статьялар баҫтырған. Йәмәғәт ойошмаһы менән дәүләт етәкселегенең берҙәм эш һөҙөмтәһендә РФ Һаулыҡ һаҡлау һәм социаль үҫеш министрлығы менән “Ҡатын-ҡыҙҙар консультацияһында медик-социаль ярҙамды ойоштороуҙы камиллаштырыу саралары тураһында” ҡарар ҡабул ителә һәм уның нигеҙендә ҡатын-ҡыҙҙар консультацияһы штатына психолог вазифаһы индерелә.

“Әсәлек илаһилығы” программаһының икенсе йүнәлеше булып “Волонтер” проекты буйынса йәштәр менән эшләү тора.

Был проектта ҡатнашҡан йәштәр күп балалы һәм имен булмаған ғиләләргә ярҙам итә һәм үҙенә күрә никах, сәләмәт ғаилә ҡиммәттәрен таратыусы ролен үтәй.

Быйылғы йылдың мартында Красноярск дәүләт педагогия университеты нигеҙендә бөтә Рәсәй волонтерҙар штабы эшләй башлай. Уның рәтенә Башҡортостан йәштәре лә яҙыла ала.

“Әсәлек илаһилығы” программаһы менән таныштырыу өсөн Башҡортостанға яҡын арала уның етәксеһе Андрей Коченов һәм киң мәғлүмәт саралары проекты етәксеһе Олег Казанцев килергә йыйына.

#социаль яҡлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.