Башҡортостанда тыуым арта, сабыйҙар үлеме кәмей

Елена Макушина

БР Һаулыҡ һаҡлау министрлығының яҡынса мәғлүмәттәренә ҡарағанда, былтыр Башҡортостанда 55700 сабый донъяға килгән. 2008 йылда республикала 54493 бала тыуғайны.

Һаулыҡ һаҡлау министры урынбаҫары Рәлиҙә Шакирова хәбәр итеүенсә, 2009 йылда бер йәшкә тиклемге 391 бала вафат булғайны, ә 2008 йылда 505 сабый был йәшкә етә алманы.

Республикала сабыйҙар үлеме күрһәткесе 1000 тере тыуған балаға 7,0 тәшкил итә. Бынан алдағы йылда ул 9,4-кә еткәйне. Рәсәй статистика идаралығының 2009 йылдың 11 айы мәғлүмәттәренә ҡарағанда, сабыйҙар үлеменең Рәсәй буйынса уртаса күрһәткесе 8,1 тәшкил итә.

Сабыйҙар үлеме осраҡтары Архангел (2008 йылда был күрһәткес 22,1-гә еткәйне) һәм Федоровка (2008 йомғаҡтары буйынса – 11,6) райондарында теркәлмәгән.

Түбән күрһәткестәр Өфө (1000 тере тыуған сабыйға 5,4), Ағиҙел (4,4), Стәрлетамаҡ (5,4), Октябрьский (3,6), Күмертау (3,7) ҡалаларында билдәләнгән.

Райондар араһында иһә Краснокама (3,0), Кушнаренко (2,6), Күгәрсен һәм Бәләбәй (3,8) райондарында сабыйҙар үлеме республика буйынса уртаса күрһәткестән кәмерәк.

Шул уҡ ваҡытта, Рәлиҙә Шакирова әйтеүенсә, 27 биләмәлә был күрһәткес уртаса республика күрһәткесенән юғарыраҡ.

«Сабыйҙар һәм әсәләр үлеме күрһәткестәре башҡарма власть һәм урындағы үҙидара эшмәкәрлегенең социаль-иҡтисади һөҙөмтәлелеген баһалауҙың төп критерийҙарының береһе булып тора, — тине Рәлиҙә Муса ҡыҙы. – Был күрһәткестәр ҡатын-ҡыҙҙарға һәм балаларға медицина ярҙамы ойоштороу сифатын һәм кимәлен генә түгел, шулай уҡ һаулыҡ һаҡлау системаһының һәм тотош йәмғиәттең торошон сағылдыра».

#һаулыҡ һаҡлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.