Зиннәт Аллаяров студенттарҙы ҡотланы

"Башинформ" МА

БР мәғариф министры Зиннәт Аллаяров студенттарға ҡотлауҙарын ебәрҙе. Ул Татьяна көнөн – Рәсәй студенты байрамын билдәләүҙең матур йолаға әйләнеүен һыҙыҡ өҫтөнә алды. Ҡотлауҙа, атап әйткәндә, түбәндәгеләр яҙылған:

“Республикала 200-ҙән ашыу профессиональ уҡыу йортонда 300 меңгә яҡын студент белем ала. Йыл һайын республика студенттары рәтен арттырып, уҡыу йорттарында яңы кафедралар һәм факультеттар асыла. Был һөнәри белемдең һорау менән файҙаланыуын дәлилләй.

Студенттар һәр ваҡыт Рәсәй йәмғиәтенең алдынғы өлөшө булды һәм әле лә шулай булып ҡала. Һис шикһеҙ, был йәшлек осоро – иң гүзәл миҙгел. Был ваҡыт арауығында тормош приоритеттары формалаша, ныҡлы дуҫлыҡ мөнәсәбәттәре ҡорола. Иң мөһиме, был йылдарҙа киләсәктәге уңыштың нигеҙе һалына – сифатлы белем алыу, тейешле мәғлүмәт туплау. Юҡҡамы һәр заманда ла тап студенттар яңылыҡ менән ҡыҙыҡһынған, ижади энергия, бөтмәҫ энтузиазм, принципиаллек һәм хеҙмәткә һөйөү менән айырылып торған.

Һәм беҙҙең цифрлы һәм нанотехнологиялар заманында ла йәштәр студент йылдарында максимум белем һәм практик тәжрибә алып ҡалырға, заманса һөнәри компетенцияға эйә булырға тырыша.

Студенттар көнө - йәштәр менән эшләүсе, улар менән күңел йылыһын, энтузиазмын бүлешеүсе, белеме, баһалап бөтөргөһөҙ тормош тәжрибәһе менән уртаҡлашыусы кешеләрҙең дә байрамы ул. Ихлас күңелдән беҙҙең профессиональ уҡыу йорттары уҡытыусыларына күңел күтәренкелеге, ныҡлы сәләмәтлек, илһам һәм яҡшы кәйеф теләйем!

Ҡәҙерле студенттар! Татьяна көнө студенттарҙың сессияһына тап килә. Бар һынауҙарҙы ла лайыҡлы үтеүегеҙҙе теләйем. Һәр башланғыстарығыҙға уңыштар юлдаш булһын. Уҡыуҙа ҡаҙаныштар, сағыу тәьҫораттар, ижади еңеүҙәр һәм оптимизм һеҙгә”.

#мәғариф

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.