Башҡортостан һәм Өфө яңылыҡтары
93.44
-0.65
99.58
-0.95
87.39
+0.28
23+ °C
Ясна
Баш
Рус
Eng
Бөтә яңылыҡтар
Йәмғиәт
25 Ғинуар 2010, 17:02
“Һылыуҡай-2010”да ҡатнашыусыларҙы һайлап алыу башлана
Бөгөндән Башҡортостанда “Һылыуҡай-2010” республика конкурсына һайлап алыу турҙары башлана. Ул бер нисә тораҡ пунктында үтәсәк: 25 ғинуарҙа Учалыла, 28 ғинуарҙа Нефтекамала, 1 февралдә Сибайҙа, 2 февралдә Иҫке Собханғол ауылында, 4 февралдә Стәрлетамаҡта һәм 5 февралдә Өфөлә.
Һайлап алыу этабында ҡатнашыусыларға түбәндәге талаптар ҡуйыла: тәбиғи матурлыҡ һәм мөләйемлелек, тура һын, 170 сантиметр оҙонлоғонда буй, әҙәби башҡорт теленә эйә булыу, 16-22 йәштә булыу.
Башҡортостандың иң һылыу ҡыҙы исеменә дәғүә итеүселәрҙең һәр береһенең үҙе менән портфолиоһы, спорт формаһы һәм документтары булырға тейеш.
Алдан һайлап алыу турҙары йомғаҡтары буйынса 6 февралдә Өфөлә, «Башҡортостан» телерадиокомпанияһы дәүләт унитар предприятиеһы бинаһында, конкурстың ярым финалы үткәрелә.
«Һылыуҡай-2010» финалын 14 февралдән 8 мартҡа тиклем Нефтселәр Мәҙәниәт һарайында үткәрергә планлаштырыла. Былтырғы кеүек, ул «БЮТ» каналы эфирында “Һылыуҡай” конкурсы көндәлеге” программаһында яҡтыртып барыласаҡ.
Ҡатнашыуға заявкалар
[email protected]
электрон адресына йәки Өфө ҡалаһы М. Ғафури урамы, 11, «Тамыр» студияһы адресы буйынса ҡабул ителә.
8(347) 291-25-57, 273-19-47, 8-919-14-62-008 телефондары аша белешмә алырға мөмкин.
Автор:
Әлфиә Әһлиуллина
Теги:
конкурстар
"һылыуҡай-2010"
Читайте нас: