Башҡортостанда “Китапханаға китап бүләк ит!” шәфҡәтлелек акцияһы тамамланды

Әлфиә Әһлиуллина

Башҡортостандың бар район һәм ҡалаларында уҙған йылда алып барылған “Китапханаға китап бүләк ит!” шәфҡәтлелек акцияһына йомғаҡ яһалды. Уны БР Мәҙәниәт һәм милли сәйәсәт министрлығы менән Башҡортостан Республикаһының Әхмәтзәки Вәлиди исемендәге милли китапханаһы ойошторғайны.

БР милли китапханаһының директор урынбаҫары Галина Евдищенконың “Башинформ” мәғлүмәт агентлығына хәбәр итеүенсә, урындарҙа китап йыйыу менән ҡала һәм район китапханалары шөғөлләнгән.

Уның әйтеүенсә, хәйриә марафонының һөҙөмтәләре көтөлгәндән дә күберәк булып, 80 мең китап экземплярына еткән. Китапты иң күп бүләк итеүселәр иҫәбендә муниципаль берәмектәрҙең хакимиәт башлыҡтары һәм уның хеҙмәткәрҙәре, урындағы интеллигенция – табиптар, уҡытыусылар, мәҙәниәт өлкәһе һәм киң мәғлүмәт сараһы хеҙмәткәрҙәре, дин башлыҡтары, хаҡлы ялға сыҡҡандар һәм балалар.

Йыйылған китап иҫәбе буйынса иң юғары һөҙөмтә Ауырғазы районында, акция һөҙөмтәһендә райондың китапханалар селтәре 15 меңдән ашыу китапҡа тулыланған.

Ҡырмыҫҡалы районында бер мең ярым тирәһе китап берәмеге йыйылған. Район хакимиәте башлығы Ирек Сафин китапханаға Николай Карамзин әҫәрҙәренең 18 томлыҡ йыйынтығын бүләк иткән.

“Башкиргаз” яуаплылығы сикләнгән йәмғиәтенең генераль директоры Альберт Әхмәтшин Кушнарен районы китапханалары фондын тулыландырыуға аҡса бүлгән. Был районда акция һөҙөмтәһендә 2700 китап йыйылған.

Шишмә районының һәр кем өсөн асыҡ библиотекалар фонды “Информреклама” йәмғиәте менән Америка-башҡорт интерколледжы бүләктәре иҫәбенә 4000 экземплярға байыған.

Иң ҙур бүләкләүсе Өфөнән пенсионер Маргарита Злотникова, ул китапханаға китаптар менән бергә граммофон яҙмалары коллекцияһын да тапшырған.

#китапханалар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.