"Китап" нәшриәте бер йылда 317 төр китап продукцияһы сығарған

Любовь Колоколова

Зәйнәб Биишева исемендәге Башҡорт “Китап” нәшриәте өсөн уҙған йыл юбилейлы булды: нәшриәт октябрҙә үҙенең 90 йыллығын билдәләне. Юбилейға әҙерлек сиктәрендә республика райондары буйлап автойөрөү, китап продукцияһының, яңы сыҡҡан баҫмаларҙың күргәҙмәһе, “Китап” авторҙарының уҡыусылар менән осрашыуҙары һәм башҡа төрлө саралар үтте.

2009 йылда “Китап” нәшриәте 317 төр продукция баҫтырған, шулар иҫәбендә 103 уҡыу-педагогик әсбап, 118 исемлектә художестволы әҙәбиәт, балалар әҙәбиәте – 26, фәнни-популяр әҙәбиәт – 46 һәм 24 башҡа төрҙәге баҫма нәшер ителгән. 2008 йылға ҡарағанда был 16 төргә күберәк.

«Китап» уҡыу әсбаптарын баҫтырыу һәм республика милли мәктәптәрен тәьмин итеүҙе дауам итә. Илдәге һәм төбәктәге мөһим хәл-ваҡиғаларға, иҫтәлекле даталарға бәйле әҙәбиәт тә йыл һайын нәшер ителә. Башҡортостан Хөкүмәте ярҙамы менән “Китап” нәшритәте 2008 йылда уҡ беренселәрҙән булып Еңеүҙең 65 йыллығына ҡарата Бөйөк Ватан һуғышында ҡатнашыусыларҙың китаптарын баҫтырыу эшен башланы. 2010 йылдың май айына тиклем ошондай 40 китап сығарырға планлаштырыла.

“Китап” нәшриәте заман менән бергә атлай, уҡыусыларҙы һәм һатып алыусыларҙы күберәк йәлеп итеү маҡсатында интернет-ресурстар ҡуллана. Яңы баҫмалар, адрес һәм телефондар, хаҡтар тураһында мәғлүмәтте www.kitap-ufa.ru сайтынан табырға мөмкин.

#«китап» нәшриәте

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.