80.86
0
Башҡортостан һәм Өфө яңылыҡтары
92.14
0
63.91
+1.07
11+ °C
Болотло
Бөтә яңылыҡтар
Йәмғиәт
14 Ғинуар 2010, 10:31
Быуатҡа тиң егерме йыл
«Быуатҡа тиң егерме йыл» — киң мәғлүмәт саралары хеҙмәткәрҙәренең һөнәри байрамдары көнөндә Матбуғат йортонда асылған Өфө фотографы Айрат Нурмөхәмәтовтың күргәҙмәһе шулай атала. Был экспозиция Башҡортостандың Дәүләт суверенитеты тураһында декларация ҡабул итеүҙең егерме йыллығына ҡарата иғлан ителгән Республика йылына арналған.
Айрат Нурмөхәмәтов – талантлы һәм үҙенсәлекле фотограф. 1985 йылдан бирле ул «Башҡортостан» гәзитенең алмаштырғыһыҙ фотохәбәрсеһе. Бына сирек быуатҡа яҡын Башҡортостан тормошондағы бөтә төп ваҡиғалар, республиканың социаль-иҡтисади, ижтимағи һәм производство үҫеше уның иғтибарынан ситтә ҡалмаған. Күргәҙмә өсөн Айрат Нурмөхәмәтов үҙ фотоархивынан иң сағыу кадрҙарҙы һайлап алған.
- Күргәҙмәнең бөгөн Рәсәй матбуғаты көнөндә асылыуы ҙур әһәмиәткә эйә, - тине, күргәҙмәне асып, БР Хөкүмәте ҡарамағындағы Матбуғат, нәшриәт һәм полиграфия эштәре буйынса идаралыҡ начальнигы Эдуард Юлдашев. – Бөгөнгө матбуғатты фотоһүрәттәрһеҙ күҙ алдына килтереү мөмкин дә түгел, уларҙың һәр ҡайһыһы тарихи ысынбарлыҡ, фактик материал.
Авторҙы тәүге персональ күргәҙмәһе менән ҡотларға уның дуҫтары һәм коллегалары, шулай уҡ республиканың башҡа гәзиттәренән хеҙмәткәрҙәр килгән.
— Башҡортостанда яҡшы фотожурналистика мәктәбе ойошҡан, һәм Айрат Нурмөхәмәтов уның лайыҡлы вәкиле, – тине «Башҡортостан» гәзите мөхәррире Рәлиф Кинйәбаев. — Ул ҡәҙимге кеше иғтибар ҙа итмәгән һәр мөһим мәлде күреп ҡала һәм объективына эләктереп тә ала. Уның фотоматериалдары бай йөкмәткеле булыуы менән айырылып тора.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».