Биш гәзит иң яҡшы төбәк киң мәғлүмәт саралары рейтингына инде

Любовь Колоколова

Башҡортостандың биш ваҡытлы матбуғат баҫмаһы «Айҙың иң яҡшы материалы» Бөтә Рәсәй урындағы һәм төбәк матбуғаты профессиональ журналистар конкурсы йомғаҡтары буйынса иң яҡшы киң мәғлүмәт саралары рейтингына инде. Рейтингыла алда "Туймазинский вестник" гәзите килә, унан ҡала «Октябрьский нефтяник», «Белебеевские известия», «Красное знамя» (Нефтекама), республика «Молодежная газета» гәзиттәре. «ТОП-83» (Рәсәй Федерацияһы субъекттары һаны буйынса) конкурсы лауреаттары араһында — Башҡортостандан 16 журналист. Был бик тос һөҙөмтәләр!

2009 йылғы урындағы һәм төбәк матбуғаты журналистары конкурсына Яңы йыл һәм Рәсәй матбуғаты көнө алдынан Район һәм ҡала гәзиттәре ассоциацияһы йомғаҡ яһаны. Ойоштороусылар хәбәр итеүенсә, конкурста Рәсәйҙең 57 төбәгенең 222 гәзитенән 618 журналист ҡатнашты. Конкурсҡа 3200 эш тапшырылғайны.

Был конкурстың үҙенсәлеге шунда, иң яҡшы конкурс эштәре ай һайын асыҡлана. Еңеү өсөн журналисҡа айҙан-айға үҙ профессиональ кимәлен раҫларға кәрәк. Бынан тыш, жюри ағзалары булып конкурсанттар үҙҙәре тора, улар үҙ коллегаларының – конкуренттарҙың эшенә баһа бирә.

Бындай форматта конкурс 2008 йылдың апреленән үткәрелә. Профессиональ ярыш система характерында. Конкурс сиктәрендә бер үк ваҡытта өс кимәлдә иң яҡшыларҙы билдәләү мөмкинлеге бар: «Рәсәй урындағы матбуғатының иң яҡшы журналисы», «Федераль округтың иң яҡшы журналисы», «Рәсәй Федерацияһы субъектының иң яҡшы журналисы».

Конкурс шулай уҡ төрлө йүнәлештәр буйынса урындағы баҫмалар рейтингын билдәләргә булышлыҡ итә: «Төбәктең/Рәсәйҙең иң яҡшы ижтимағи-сәйәси гәзите», «Иң яҡшы экологик гәзит», «Иң яҡшы иҡтисади гәзит» һәм башҡалар. Конкурс башлыса он-лайн режимында үтә. Бөтә корреспонденция электрон почта аша ебәрелә. 2010 йылда конкурс дауам итәсәк, һәм ойоштороусылар журналистарҙы унда әүҙемерәк ҡатнашырға саҡыра.

Шуны ла әйтеп үтәйек, "Туймазинский вестник" журналистарында йыл йомғаҡтары буйынса иң күп билдәләнгән материалдар (тимәк, балдар ҙа күберәк). Венера Ильясова менән Эмиль Мусин (17-шәр билдәләнгән материал), Ләлә Латипова (15) һәм Марина Колесникова (ете материал) алда бара.

#конкурстар #киң мәғлүмәт саралары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.