“Ҡиммәттәр системаһы” киң мәғлүмәт саралары фестивале үтәсәк

Любовь Колоколова

10 декабрҙән 12-һенә тиклем Өфөлә «Ҡиммәттәр системаһы» II киң мәғлүмәт саралары фестивале үтәсәк. Уны РФ Матбуғат һәм киң коммуникациялар буйынса федераль агентлыҡ, Башҡортостан Республикаһы Хөкүмәте, БР Хөкүмәте ҡарамағындағы Матбуғат, нәшриәт һәм полиграфия буйынса идаралыҡ ярҙамында «МедиаСоюз» Дөйөм Рәсәй йәмәғәт ойошмаһы һәм РФ Йәмәғәт палатаһы үткәрә. Үткәреү урыны — «Аҡбуҙат» ипподромы манежы.

Был форумдың төп бурысы — журналистар һәм медиабаҙар профессионалдарының диалогын тәьмин итеү, ватан журналистикаһының кимәлен күтәреүгә булышлыҡ итеү, авторҙарҙы хәҙерге замандың мөһим проблемаларын хәл итеүгә йәлеп итеү. Тап киң мәғлүмәт саралары граждандарыбыҙҙың донъяға ҡарашын һәм йәшәү позицияларын формалаштыра, улар алдына әхлаҡи йүнәлештәр ҡуя бит.

2008 йылда Мәскәүҙә үткәрелгән беренсе фестиваль бындай сараларҙың зарурлығын күрһәтте һәм ҙур ижтимағи резонанс тыуҙырҙы. Быйылғы фестивалдә лә, элеккеһендәге кеүек, кәмендә йөҙ кеше ҡатнашасаҡ. 10 декабрҙә ҡунаҡтар килә башлаясаҡ.

Быйыл фестивалдә ғаилә ҡиммәттәрен пропагандалау, рухи һәм мәҙәни мираҫты һаҡлау мәсьәләләре тикшереләсәк. Программала — пленар өлөштө үткәреү һәм секциялар буйынса эш. «Телевидение», «Радио», «Матбуғат һәм интернет киң мәғлүмәт саралары» секциялары ойоштороласаҡ. Һуңынан ике түңәрәк өҫтәл үткәреләсәк: хоҡуҡ мәсьәләләре һәм «Дин һәм киң мәғлүмәт саралары» темаһы буйынса. Сара «Киң мәғлүмәт саралары яҡтыртыуында мәңгелек ҡиммәттәр» конкурсында еңеүселәрҙе бүләкләү менән тамамланасаҡ.

Фестиваль йомғаҡтары буйынса медиаберләшмә өсөн эксперттар рекомендациялары ҡабул ителәсәк.

#киң мәғлүмәт саралары #фестивалдәр

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.