70.86
-0.13
82.5
-0.14
85.66
+1.05
9+ °C
Облачно
Бөтә яңылыҡтар
Йәмғиәт
7 Декабрь 2009, 16:20

Өфөлә федераль оториноларингология үҙәге филиалы асылды

Республика балалар клиник дауаханаһының һәм 21-се ҡала клиник дауаханаһының лор бүлексәләре базаһында «Фәнни-клиник оториноларингология үҙәге» федераль дәүләт учреждениеһының Өфө филиалы эшләй башланы.
Филиал директоры Әдип Мөҡминов хәбәр итеүенсә, филиалды асыу юғары технологиялы медицина ярҙамын бөтәһе лә ала алһын өсөн эшләнә – хәҙер үҙәктә республика ғына түгел, күрше төбәктәр халҡы ла дауалана аласаҡ. Элек бындай хирургик операциялар Мәскәү һәм Санкт-Петербург клиникаларында ғына үткәрелә инде.
— Беҙҙең үҙәккә насар ишеткән балаларға кохлеар имплантация буйынса операция үткәреүгә 11 квота бүленде, — тине Әдип Сәхиулла улы. – Финанслау федераль бюджет средстволары иҫәбенә башҡарыласаҡ. Был аҙнала республиканан – алты һәм Рәсәйҙең башҡа төбәктәренән биш балаға операция яһаласаҡ. Пациенттарҙың йәше – ике йәштән биш йәшкә тиклем.
Бөгөн генә Өфө һәм Мәскәү белгестәренән торған врачтар бригадаһы өс операция яһаны.
Кесе йома, 10 декабрҙә, Өфөгә Фәнни-клиник оториноларингология үҙәге директоры Николай Дайхес килеүе көтөлә.
Автор:Елена Макушина