«Пандефлю» вакцинаһына сифат паспорты алынды

Ғәлиә Нәбиева

Өфө «Иммунопрепарат» предприятиеһының «Пандефлю» вакцинаһының тәүге производство серияһына сифат паспорты алынды, тип хәбәр иттеләр предприятиеның матбуғат хеҙмәтенән. Вакцина кешеләрҙе A/H1N1 тибындағы хәүефле грипп инфекцияһына ҡаршы иммунлаштырыу өсөн файҙаланыласаҡ.

Бөтә донъя һаулыҡ һаҡлау ойошмаһы мәғлүмәттәренә ҡарағанда, пандемик грипҡа ҡаршы милли вакцинациялау кампаниялары бөгөн 40-тан ашыу дәүләттә үткәрелә. 16 ил иммунлаштырылған граждандар иҫәбе тураһында мәғлүмәттәр бирҙе лә инде.

Был мәғлүмәттәргә ярашлы, 65 миллиондан ашыу кеше вакцинацияланған. A/H1N1 вирусын иммунобиологик иҫкәртеү кампаниялары ҡайһы бер дәүләттәр тарихында иң ҙур кампаниялар иҫәбенә инә. Прививка яһалған кешеләр һаны көндән-көн арта.

Эксперттар фекеренсә, хәүефһеҙлек профиле буйынса Рәсәй һәм сит илдәр пандемик вакциналары миҙгелле вакциналарға тап килә. Йыл һайын ҡабатланған грипҡа ҡаршы вакциналар 60 йылдан ашыу дауамында файҙаланыла. Улар эпидемияларҙы иҫкәртеүҙең һөҙөмтәле һәм хәүефһеҙ сараһы булып тора.

Рәсәй Федерацияһында грипҡа һәм башҡа инфекцияларға ҡаршы теркәлгән һәм ҡулланыуға рөхсәт ителгән вакциналарҙың хәүефһеҙлегенә контроллек итеүҙе Рәсәй Федерацияһы субъекттарының һаулыҡ һаҡлауға идара итеү органдары менән бергә Л.А.Тарасевич исемендәге Дәүләт стандартлаштырыу һәм медицина биологик препараттарына контроль институты алып бара.

1 из 4

#сәнәғәт #сифат #вакцина #сусҡа киҙеүе

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.