Рәсәйҙә Уҡытыусы йылы символикаһын эшләүгә конкурс иғлан ителде

РФ Мәғариф һәм фән министрлығы Уҡытыусы йылы эмблемаһын һәм Рәсәй йәмғиәтендә педагог һөнәренең абруйын күтәреүгә йүнәлтелгән социаль реклама сценарийын эшләүгә асыҡ конкурс башланыуы тураһында иғлан итте.

Ведомствоның матбуғат хеҙмәте хәбәр итеүенсә, “эшләнгән символика миллионлаған рәсәйҙәрҙең күңеленә ауаздаш булырға, һәр кешенең һәм бөтә йәмғиәт тормошонда Уҡытыусының роле тураһында иҫкәртеп торорға, был һөнәрҙең юғары статусын тергеҙергә һәм шул уҡ ваҡытта Рәсәй педагогының хәҙерге заман образын булдырырға ярҙам итергә тейеш”.

Эмблема таныу һәм күрһәтеү билдәһе булып торасаҡ һәм Уҡытыусы йылы сиктәрендәге бөтә сараларҙа һәм материалдарҙа ҡулланыласаҡ.

Конкурс эштәре быйыл 15 декабргә тиклем ҡабул ителәсәк. Унда реклама һәм дизайн белгестәре, шулай уҡ педагогтарҙы, мәғариф өлкәһе хеҙмәткәрҙәрен, уҡыусыларҙы, студенттарҙы, уларҙың ата-әсәләрен индереп, киң йәмәғәтселек вәкилдәре ҡатнаша ала. Эштәрҙе ҡабул итеү һәм жюри ағзаларының уларҙы баһалауы ижади конкурстар ойоштороуға махсуслашҡан E-generator.ru интерактив система сайтында алып барыласаҡ.

Конкурста еңеүселәр ойоштороусыларҙан аҡсалата приздар аласаҡ. Уҡытыусы йылының иң яҡшы эмблемаһы (график билдә): беренсе урын – 100 мең һум, икенсе урын (ике ҡатнашыусы) – 60 мең һум, өсөнсө урын (өс ҡатнашыусы) – 30 мең һум.

Сараның генераль партнеры булып уҡыусылар һәм ата-әсәләр өсөн Ҙур тәнәфес интернет-порталы сығыш яһаясаҡ. Бында бөтә эштәр Уҡытыусы йылының «Иң яҡшы эмблемаһы» (график билдә) номинацияһында урынлаштырыласаҡ. Интернет-тауыш биреү һөҙөмтәләре буйынса иң яҡшы эмблема билдәләнәсәк һәм махсус приз тапшырыласаҡ.

#конкурстар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.