Башҡортостан һәм Өфө яңылыҡтары
85.42
+2.79
91.45
+2.36
85.66
+0.02
29+ °C
Болотло
Бөтә яңылыҡтар
Йәмғиәт
21 Октябрь 2009, 18:33

Иң яҡшы социаль рекламаға конкурс

20 октябрҙән 18 декабргә тиклем Башҡортостанда иң яҡшы социаль рекламаға республика конкурсы үткәрелә. Сараның инициаторы булып БР Һаулыҡ һаҡлау министрлығы сығыш яһаны.
Министрлыҡтың матбуғат хеҙмәтенән хәбәр итеүҙәренсә, конкурстың маҡсаты – Башҡортостан студенттарында һәм уҡыусы йәштәрендә сәләмәт йәшәү рәүеше тәрбиәләү.
Конкурстың төп бурыстары: сәләмәт йәшәү рәүеше тәрбиәләүгә йүнәлтелгән социаль реклама яһау, сәләмәт йәшәү рәүешен пропагандалау өлкәһендәге инициативаларҙы тормошҡа ашырыуға йәштәрҙе ылыҡтырыу, йәштәрҙә һаулығын һаҡлау өсөн шәхси яуаплылыҡ тәрбиәләү.
Конкурс «Тышҡы реклама», «Видеореклама», «Аудиореклама», «Интернет селтәрендә иң яҡшы тематик сайт/бит» номинацияларында үткәрелә.
Бәйге номинацияларының һәр береһендә еңеүселәр приздар менән бүләкләнәсәк. Конкурс эштәре Башҡортостан медицина профилактикаһы үҙәге дәүләт һаулыҡ һаҡлау учреждениеһына тапшырыласаҡ.
Белешмәләр өсөн телефон: 272-66-84, 272-84-02
Автор:Елена Макушина
Читайте нас: