94.87
0
Башҡортостан һәм Өфө яңылыҡтары
104.74
0
79.54
+1.49
11+ °C
Ямғыр
Бөтә яңылыҡтар
Йәмғиәт
21 Октябрь 2009, 15:38
ӨДНТУ һәм «Шлюмберже» компанияһы килешеү төҙөнө
Өфө дәүләт нефть техник университеты, Рәсәйҙә нефть-газ профилендәге иң ҙур юғары уҡыу йорттарының береһе булараҡ, сит ил компанияларының иғтибарын нығыраҡ йәлеп итә бара. “Шлюмберже” компанияһы менән ӨДНТУ араһында хеҙмәттәшлек тураһында килешеүгә ҡул ҡуйыу быны тағы бер тапҡыр раҫлай.
Хәйер, нефть һәм газ сәнәғәте өсөн нефть ятҡылыҡтарын эҙләү һәм табыу өлкәһендә хеҙмәтләндереүҙәр, ҡарарҙар һәм технологиялар менән донъяла иң ҙур тәьмин итеүсенең беҙҙең вуз менән хеҙмәттәшлеге бик күптәнән килә.
— «Шлюмберже» компанияһы менән беҙ 14 йыл тирәһе эшләйбеҙ, — тине ӨДНТУ-ның дөйөм мәсьәләләр буйынса проректоры Олег Пешкин. – Был ваҡыт эсендә ӨДНТУ компания өсөн байтаҡ белгестәр әҙерләне — хәҙерге ваҡытта унда беҙҙең вузды тамамлаусы 70 кеше эшләй.
Сит ил фирмаһы персоналы буйынса директор Жан-Пьер Фье әфәнденең һүҙҙәренә ҡарағанда, компаниялағы 85 мең хеҙмәткәрҙең 15 меңе – урыҫтар. Был иң ҙур белгестәр вәкиллеге, һан буйынса ул былтырғы йылға тиклем алда килгән американдарҙан да артығыраҡ.
— Беҙ компания эшкә ҡабул иткән белгестәрҙең сифатын күҙәтеп барабыҙ. Һеҙҙең вузды тамамлаусылар карьера баҫҡысы буйлап тиҙ үрләй, – тип билдәләне Фье әфәнде.
Яңы килешеү сиктәрендә Шлюмберженың Себер үҙәгендә уҡытыусыларға стажировка үткәреү һәм студенттарға таныштырыу практикаһы өсөн урындар биреү планлаштырыла.
Халыҡ-ара компанияға 1927 йылда нигеҙ һалынған, һәм хәҙер уның хеҙмәткәрҙәре донъяның 100-ҙән ашыу илендә эшләй.
«Шлюмберже» Рәсәйҙә 1929 йылда уҡ эшләй башлай. Һуңынан ҡырҡ йылға яҡын бәйләнештәр өҙөлә. Ул БДБ-ла үҙ эшен 1991 йылда яңырта һәм Көнбайыш Себерҙә кабель каротажын башҡарған беренсе сит ил сервис компанияһы була.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».