Мәжит Ғафури исемендәге Башҡорт академия драма театры Мәскәү ҡалаһында гастролдә
Мәскәү ҡалаһында Мәжит Ғафури исемендәге Башҡорт академия драма театрының юбилей гастролдәре бара. Башҡорт артистары сығыштарын Александр Пушкин исемендәге Рәсәй дәүләт академия драма театры сәхнәһендә күрергә була.
Бөгөн Башҡорт дәүләт академия драма театры труппаһы мәскәүлеләргә былтырғы сезон премьераһын, театрҙың баш режиссеры Айрат Абушахманов ҡуйған “Шәүрәкәй” лирик драмаһын күрһәтәсәк.
Рәсәйҙең баш ҡалаһында сығыш яһағандан һуң, Башҡорт дәүләт академия драма театры “Панорама” халыҡ-ара театр сәнғәте фестивалендә ҡатнашыу өсөн Минск ҡалаһына юлланасаҡ.