Йәштәр театры "Йәш көндәр" халыҡ-ара фестивалендә ҡатнаша

Әлфиә Әһлиуллина

Мостай Кәрим исемендәге БР Милли йәштәр театры "Йәш көндәр" халыҡ-ара фестивалендә ҡатнаша. Йәштәр театраль форумы быйыл Истанбулда (Төркиә) 25-се тапҡырына үткәрелә.

Хәбәр итеүебеҙсә, Йәштәр театры Төркиәлә режиссер Илнур Муллабаев ҡуйған "Диләфрүзгә дүрт кейәү" спектаклен күрһәтәсәк. Театрҙа, был яҡты, эскерһеҙ юмор менән һуғарылған, матур музыкаһы һәм йырҙары менән спектакль барыһына ла аңлайышлы булыр, тип иҫәпләйҙәр.

Фестиваль программаһы сиктәрендә беҙҙең артистар бөгөн, 15 майҙа, сығыш яһаясаҡ.

Туфан Миңнуллиндың пьесаһы буйынса "Диләфрүзгә дүрт кейәү" спектакле премьераһы Йәштәр театрында уҙған миҙгелдә үк үткәйне. Шул ваҡыттан алып ул тамашасыларҙа ҙур популярлыҡ менән файҙалана. Комедияның сюжеты ябай: ауыл егеттәре Йәмил, Ғәлим, Исмәғил һәм Шәкүр сибәр ҡыҙ Диләфрүзгә ғашиҡ. Егеттәрҙең һәр береһе был тәкәббер ҡыҙҙың йөрәген яуларға һәм үҙенә ҡаратырға маташа. Ләкин Диләфрүз уйламай эш итә торған ҡыҙҙарҙан түгел, ул кейәү егете булырға дәғүә итеүселәрҙең һәр береһенә диҡҡәт менән күҙ һала.

Спектаклдә ролдәрҙе театрҙың төп актерҙары Нәғим Нурғәлин, Альбина Кашанова, Венер Камалов, Мәғәфүр Усманов, Гөлшат Ғайсина, Зөлфәр Әхмәтов, Рәмзил Сәлмәнов, Радмир Абдуллин, Илнур Лоҡманов башҡара.

#фестиваль #төркиә #йәштәр театры

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.