Силәбе өлкәһе картаһына башҡорт ауылы исеме ҡайтарылды

IMPORT Сервисный

Көньяҡ Урал Закондар сығарыу Йыйылышы депутаттары Силәбе өлкәһе губернаторы Петр Суминдың яңы, дөрөҫөрәге, иҫке яңы тораҡ пункты - башҡорт ауылы Арыҡты тергеҙеү тураһында ҡарарын хупланы. "Доступ" өлкә яңылыҡтар агентлығы хәбәр итеүенсә, был атама Силәбе өлкәһе картаһынан 30 йылдан ашыу элек алып ташланған. Иҫке яңы ауылға йәшәргә килеүсе тәүге кеше Мөхәмәтйән Латипов әйтеүенсә, 1977 йылда Арыҡ "перспективаһыҙ" ауыл тип таныла: халҡын район үҙәгенә күсерәләр, ә ауылды ер менән тигеҙләп, һөрөнтө ер итәләр.

Ҡәбер таштары һәм ғәрәп телендәге яҙыуҙары менән иҫке зыярат ҡына тейелмәй ҡала. Уға бульдозерҙарҙың һоҫҡоһо күтәрелмәй.

Мөхәмәтйән Латипов үҙе, пенсияға сыҡҡас, бында килгән. Беренсе йылды ҡатыны менән буржуйкалы армия палаткаһында йәшәйҙәр, һуңынан төҙөлөш вагонын килтереп, йорт һала башлайҙар.

Тик бына теркәлә алмай оҙаҡ ҡына ҡаңғыралар: хоҡуҡ һаҡлау органдарының дәлиле төплө: тораҡ пункты юҡ - прописка ла юҡ. Шул арала уларҙың хужалығы ла барлыҡҡа килә - пар менән йылытылған үҙ йорттары, мунсаһы, 360 гектар ер, ике трактор, йәшелсә һәм иген һаҡлағыстар, тиҫтәләгән һыйыр, йөҙҙән ашыу һарыҡ, тауыҡ, өйрәк һәм күркәләр.

Етмәһә, фермер тормошо алып барғанда Латипов йортона ҡырсынташ юл һала, электр тапшырыу линияһы үткәрә, үҙ подстанцияһын төҙөп ҡуя һәм хатта үҙе - үҙ ҡулдары менән - Бөйөк Ватан һуғышында һәләк булған ауылдаштары хөрмәтенә монумент төҙөй.

Ата-бабалары йортонда йәшәүҙәрен законлаштырыу өсөн арыҡтар күп тапҡырҙар төрлө инстанциялар буйлап йөрөй, ҡасаба, ә һуңынан район хакимиәте рөхсәтен ала. Эш губернаторға килеп терәлә, төбәк башлығы һынатмай - ауылды тергеҙеү кәрәклеге менән килешә. Һәм бына, ахыр килеп, "перспективаһыҙ" ауылға йән өргән арыҡтарҙың хыялы тормошҡа аша - Беренсе май байрамы алдынан депутаттар уны рәсми рәүештә тереләр сафына ҡайтарыу өсөн берҙәм тауыш бирҙеләр.

#силәбе өлкәһе #элекке ауыл тергеҙелә

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.