Юлдар буйлап ҙур йөклө автомобилдәр хәрәкәте сикләнде

2009 йылдың 1 апреленән 5 майына тиклем Башҡортостанда дөйөм массаһы 11 тоннанан ашыу булған бөтә төр транспорт саралары хәрәкәте тыйылды. БР буйынса Эске эштәр министрлығының ЮХХДИ идаралығы матбуғат хеҙмәтенән хәбәр итеүҙәренсә, бындай саралар яҙғы юл өҙөклөгө осоронда автомобиль юлдарын һәм уларҙағы яһалма ҡоролмаларҙы һаҡлауҙы тәьмин итеү маҡсатында күрелә. Был тыйыуҙар территориаль юлдарҙы ремонтлау менән шөғөлләнеүсе, шулай уҡ аҙыҡ-түлек, пассажирҙар, почта һәм почта йөктәре, дарыуҙар, ғәҙәттән тыш хәлдәрҙе иҫкәртеү һәм бөтөрөү өсөн кәрәкле йөктәр ташыусы транспорт сараларына ғына ҡағылмай.