Мәсетле районы башлығы Әнис Әсәҙуллин отставкаға китте
Мәсетле районы хакимиәте башлығы Әнис Әсәҙуллин үҙ теләге менән вазифаһын ҡалдырҙы. Был хаҡта «Башинформ»ға республика Дәүләт Йыйылышы депутаты Шамил Вәлиев хәбәр итте.
Район советы ултырышында депутаттар отставканы ҡабул итте. Башҡортостан Башлығы Әнис Әсәҙуллинды «Хеҙмәт батырлығы өсөн» миҙалы менән бүләкләү тураһында указға ҡул ҡуйҙы. Награданы Башҡортостан Республикаһы Башлығы хакимиәте етәксеһе Искәндәр Әхмәтвәлиев тапшырҙы.
Муниципалитет етәксеһе вазифаһын башҡарыусы итеп хакимиәттең эштәр идарасыһы Анфиса Ишмөхәмәтова тәғәйенләнде. Районда вакантлы вазифаны биләүгә конкурс иғлан ителде. Документтар 5 ноябрҙән 11-нә тиклем ҡабул ителә. Конкурс 26 ноябрҙә була.
Хәтерегеҙгә төшөрәбеҙ, Әнис Әсәҙуллин 10 йыл буйына районға етәкселек итте. Хакимиәт башлығы итеп 2016 йылда тәғәйенләнде. Ул Мәсетле районында тыуған. Төрлө йылдарҙа Абдулла ауыл советы хакимиәте башлығы, мәктәптә махсус предметтар һәм математика уҡытыусыһы, район хакимиәте башлығы урынбаҫары, «Ҡарағай» шифаханаһында хужалыҡ бүлеге начальнигы һәм директорҙың хужалыҡ мәсьәләләре буйынса урынбаҫары булып эшләй. Уның артабанғы пландары тураһында әлегә хәбәр ителмәй.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.