Радий Хәбиров яңы төбәктәрҙең Рәсәйгә ҡушылыу көнө менән ҡотланы
Бөгөн, 30 сентябрҙә, Рәсәйҙә тарихи ваҡиға – Донецк һәм Луганск халыҡ республикаларының, шулай уҡ Запорожье һәм Херсон өлкәләренең Рәсәй Федерацияһына ҡушылыу көнө билдәләнә. Башҡортостан Башлығы Радий Хәбиров республика халҡын мөһим дата менән ҡотланы.
Башҡортостан ошо йылдар дауамында туғандаш төбәктәргә һәр яҡлап ярҙам күрһәтә, тип билдәләне Радий Хәбиров. Луганск Халыҡ Республикаһының шефлыҡҡа алынған Красный Луч ҡалаһы айырыуса иғтибар үҙәгендә тора. Республика Башлығы һүҙҙәренсә, ҡалала күләмле эштәр башҡарылған.
«Ошо йылдар буйына Башҡортостан туғандаш төбәктәрҙә йәшәүселәргә ярҙам күрһәтә. Бергәләп тыныс тормошто тергеҙәбеҙ, яңынан йорттар һәм юлдар төҙөргә, мәктәптәрҙе, балалар баҡсаларын һәм дауаханаларҙы ремонтларға ярҙам итәбеҙ. Беҙҙең шефлыҡтағы территорияла, Красный Луч ҡалаһында, 250-нән ашыу торлаҡ, социаль, инфраструктура объекттарын тәртипкә килтерҙек. Әле лә был эште дауам итәбеҙ», — тип билдәләне Радий Хәбиров.
Радий Хәбиров Донбассҡа һәм Новороссияға даими рәүештә гуманитар йөк ебәргән республика халҡына, ирекмәндәргә, эшҡыуарҙарға һәм меценаттарға рәхмәт һүҙҙәрен әйтте.
«Уларға изге эштәре өсөн рәхмәт! Ҡулдарына ҡорал тотоп үҙ бурысын үтәгән яугирҙәребеҙгә тәрән ихтирам белдерәбеҙ», — тине Радий Хәбиров.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.