Андрей Назаров Башҡортостан Дәүләт Йыйылышы рәйесе итеп һайланды
Бөгөн парламенттың сираттағы пленар ултырышында Башҡортостан Дәүләт Йыйылышы – Ҡоролтай рәйесе итеп Андрей Назаров һайланды. Республика Башлығы Радий Хәбиров Андрей Назаровтың кандидатураһын депутаттар алдында тәҡдим итеп, уның республикабыҙ үҫешенә индергән өлөшөн барыһы ла яҡшы белеүен билдәләне.
«Ул төрлө яуаплы участкаларҙа һәм вазифаларҙа эшләне: 7 йыл Башҡортостан Республикаһы хөкүмәте премьер-министры булды. Был йылдар республика үҫешендә мөһим этап булды. Бергәләп эре инфраструктура һәм социаль проекттарҙы тормошҡа ашырҙыҡ, ҡатмарлы көрсөк күренештәре эҙемтәләрен еңеп сыҡтыҡ, яуаплы ҡарарҙар ҡабул иттек һәм төбәктәрҙең һөҙөмтәлелеген баһалау буйынса федераль рейтингтарҙа юғары позицияларға өлгәштек», – тине Радий Хәбиров.
Бөгөн беҙ һоҡланғыс кеше, беҙҙең өлкән иптәшебеҙ, хөрмәтле Константин Борисович Толкачев тураһында йылы һүҙҙәр әйтмәһәк, дөрөҫ булмаҫ ине. Уның ваҡытынан алда арабыҙҙан китеүе — тотош республикабыҙ өсөн ауыр юғалтыу. Ул 27 йыл Дәүләт Йыйылышы — Ҡоролтайға етәкселек итте, ҡаты ауырыуына ҡарамаҫтан, һуңғы көндәренә тиклем сафта ҡалды».
Андрей Назаров бизнеста, дәүләт-йәмәғәт өлкәһендә бай тәжрибәгә, тормоштоң төрлө өлкәләрендә профессиональ компетенцияларға һәм үтә ҡатмарлы мәсьәләләрҙе хәл итеү һәләтенә эйә булыуын иҫкә төшөрҙө. Ул федераль кимәлдә абруй менән файҙалана.
Радий Хәбиров республика хөкүмәтендә етәкселек алмашыныуға айырым туҡталды.
«Республикала идарасыларҙың яңы быуыны үҫә. Тап шуға күрә хөкүмәт премьер-министры вазифаһын башҡарыу бурысы хөкүмәт аппаратында эшләүҙән алып сәнәғәт, энергетика һәм инновациялар министры, Башҡортостан премьер-министры урынбаҫары вазифаһына тиклем юл үткән Александр Николаевич Шельдяевҡа йөкмәтелде. Уның тәғәйенләү — идара итеү командаһының яңырыуы, һөҙөмтәле эшләргә әҙер булыуы тураһында сигнал», – тип билдәләне алды республика етәксеһе.
Фракция етәкселәренең сығыштарын тыңлағандан һуң, депутаттар Андрей Назаровтың Башҡортостан Республикаһы Дәүләт Йыйылышы — Ҡоролтай рәйесе вазифаһына кандидатураһын бер тауыштан хупланы.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.