Башҡортостан Юғары суды рәйесенең отставкаһы мәсьәләһе кисектерелде
Башҡортостан Дәүләт Йыйылышы — Ҡоролтай депутаттары сираттан тыш 35-се ултырышта БР Юғары суды рәйесе Раил Шәйҙуллиндың отставкаһы тураһында мәсьәләне ҡарауҙы кисектерергә ҡарар итте. Мәсьәләне көн тәртибенә индереү тәҡдиме менән депутат Виктор Гурьев сығыш яһаны.
Парламентта Дәүләт Йыйылышының БР Юғары суды етәкселегенең һәм уның судьяларының РФ ҡануниәте һәм Судьялар этикаһы кодексы талаптарын үтәү мәсьәләләре буйынса мөрәжәғәте тураһында ҡарар проекты әҙерләнде, тип билдәләне ул. Депутаттар килеп тыуған хәлгә бик борсола, Юғары суд етәкселегенең ғәмәлдәре тейешле хоҡуҡи баһа алырға һәм артабан вәкәләттәрен туҡтатырға тейеш, тип иҫәпләй улар.
Уның докладынан һуң Башҡортостан Башлығы Радий Хәбиров һүҙ алды. Судьялар коллегияһында «бөтә закондар һәм этик нормалар боҙола», тип билдәләне ул. Әммә шул уҡ ваҡытта республика етәксеһе һығымталар яһарға ашыҡмаҫҡа ҡушты.
«Һеҙҙең ҡарарығыҙҙы хөрмәт итеп, мин тағы ла бер тапҡыр был мәсьәләне ҡарауҙы күсереүҙе һәм барыһын да иғтибар менән өйрәнеүҙе һорайым», – тине Башҡортостан Башлығы.
Депутаттар Радий Хәбировтың ҡарашы менән килеште һәм төп көн тәртибенә күсеп, Юғары суд мәсьәләһен ҡарауҙы кисектерҙе.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.