Башҡортостан Башлығы «Атайсал» проектында ҡатнашыусы Рафаэль Хәкимовты бүләкләне
Өфөлә Башҡортостан хөкүмәтенең оператив кәңәшмәһендә республика Башлығы Радий Хәбиров Рәсәй Федерацияһы Президенты хакимиәте етәксеһенең секретариат департаменты начальнигы Рафаэль Хәкимовҡа «Хеҙмәт батырлығы өсөн» миҙалын тапшырҙы.
БР указы менән Рафаэль Марат улы күп йыллыҡ намыҫлы хеҙмәте һәм һөҙөмтәле йәмәғәт эшмәкәрлеге өсөн бүләкләнде.
— Беҙ дәүләт хеҙмәтендә, бизнеста, фәндә уңышҡа өлгәшкән яҡташтарыбыҙ тыуған төйәгебеҙҙе онотмаһын өсөн тырышабыҙ, беҙ улар менән ғорурланабыҙ. Улар беҙгә ярҙам итә – бының өсөн «Атайсал» программаһы бар, — тине Радий Хәбиров.
Республика етәксеһе бүләкләнеүсенең лайыҡлы тормош юлын, оҙайлы хеҙмәт биографияһы хаҡында һөйләп үтте. Рафаэль Хәкимов Яңауыл районында тыуып үҫкән, әсәһе әле лә шунда йәшәй. Республика уның менән тығыҙ хеҙмәттәшлек итә. Рафаэль Хәкимов республикаға ялға ҡайтҡан. Радий Хәбиров Рафаэль Марат улына хеҙмәттәшлек өсөн, ғорурланырлыҡ яҡташтарыбыҙҙың булғаны өсөн рәхмәт белдерҙе.
— «Атайсал» — Рәсәйҙә, төҙөкләндереү эшенән тыш, яҡташтарҙы бер маҡсат менән берләштергән берҙән-бер проект. Бергә беҙ ҙур ғаилә, проект та быны раҫлай. Темпты кәметмәйенсә, республикабыҙ мәнфәғәте өсөн барыһын да эшләрбеҙ, – тине Рафаэль Хәкимов һәм Башҡортостан етәкселегенә рәхмәт белдерҙе.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.