Өфөлә ҡаланы йыйыштырыу буйынса махсус автохужалыҡ етәксеһе алмашынды

Өфө мэрияһында кадрҙар үҙгәрҙе. Илдар Абдуллин ҡаланы йыйыштырыу буйынса махсус автохужалыҡ етәксеһе итеп тәғәйенләнде. Был хаҡта баш ҡала хакимиәтенең матбуғат хеҙмәтенән хәбәр иттеләр.

Илдар Хәмзә улы 1974 йылда Үзбәк ССР-ының Янгиюль ҡалаһында тыуған. Рәсәй Эске эштәр министрлығының Өфө юридик институтын тамамлаған, һуңынан Эске эштәр министрлығының Ростов юридик институтында ҡайтанан һөнәри әҙерлек үткән һәм «Рәсәй Эске эштәр министрлығының территориаль органдары етәксеһе» квалификацияһын алған.

Эшләү осоронда эске эштәр органдарында, аҙаҡтан торлаҡ-коммуналь хужалыҡ өлкәһендә етәксе вазифалар биләй. Һуңғы бер нисә йылда Нефтекаманың Граждандарҙы яҡлау идаралығы етәксеһе була.

Хәтерегеҙгә төшөрәбеҙ, 2025 йылдың сентябрендә махсус автохужалыҡтың генераль директоры итеп Совет районының элекке башлығы Рөстәм Рәхмәтуллин тәғәйенләнгәйне. Ләкин түрә «ҡышҡы» имтиханды бирә алмаған, күрәһең.

https://www.bashinform.ru/news/politics/2026-03-13/v-ufe-smenilsya-rukovoditel-spetsavtohozyaystva-po-uborke-goroda-4613614