Башҡортостан Запорожье өлкәһе менән парламент-ара килешеү төҙөй
Килешеү Запорожье өлкәһенең сәйәси-хоҡуҡи интеграцияһы ҡоралы булып тора.
Башҡортостан һәм Запорожье өлкәһе парламенттары хеҙмәттәшлек тураһында килешеүгә ҡул ҡуйырға әҙерләнә. Республика Дәүләт Йыйылышы – Ҡоролтай рәйесе Константин Толкачев төбәк-ара хеҙмәттәшлекте үҫтереү перспективаларына аңлатма бирҙе.
Уның һүҙҙәренсә, Дәүләт Йыйылышы Запорожье өлкәһендәге коллегаларыбыҙҙан парламент-ара килешеү төҙөү тәҡдиме менән хат килгән.
— Әле беҙ әҙерлек эштәре алып барабыҙ. Запорожье өлкәһе үҙ тарихында ауыр осор кисерә – беҙ тейешле ярҙам күрһәтергә әҙербеҙ. Килешеү Запорожье өлкәһенең сәйәси-хоҡуҡи интеграцияһы ҡоралына буласаҡ. Документҡа яҙғы сессияла ҡул ҡуйырға иҫәп тотабыҙ. Был ваҡиға республиканың һәм өлкәнең төрлө йүнәлештәрҙә үҙ-ара файҙалы хеҙмәттәшлегенә нигеҙ һаласаҡ, — тип һөйләне республика парламенты спикеры.
Бынан алдараҡ Дәүләт Йыйылышы Донецк һәм Луганск халыҡ республикалары парламенттары менән килешеүҙәр төҙөнө. Килешеүҙәр эшмәкәрлектең төп йүнәлештәре буйынса тәжрибә уртаҡлашыуҙы, берлектәге комиссиялар һәм эшсе төркөмдәр булдырыуҙы, конференциялар, осрашыуҙар һәм консультациялар үткәреүҙе, рәсми делегациялар менән алмашыуҙы һәм хеҙмәттәшлектең башҡа формаларын күҙ уңында тота, тип белдерҙеләр Дәүләт Йыйылышының матбуғат хеҙмәтендә.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.