Президент Владимир Путин федераль судьялар тәғәйенләү тураһында указға ҡул ҡуйҙы. Документҡа ярашлы, Резеда Вәлиева һәм Ольга Совина Башҡортостандың Юғары суды судьялары итеп тәғәйенләнде.
Бынан тыш, хәҙер Өфө ҡалаһының Октябрь районы суды рәйесе урынбаҫары — Сослана Исҡужина, тиелә документта.
Ағымдағы йылдың ноябрендә Владимир Путин Башҡортостанда район судтары рәйестәрен, Арбитраж һәм Юғары судтарҙың судьяларын тәғәйенләү тураһында указға ҡул ҡуйғайны.