Башҡортостанда яңы һөнәри байрам — республиканың һатып алыу эшмәкәрлеге өлкәһе хеҙмәткәрҙәре көнө булдырылды. Республика Башлығы Радий Хәбиров тейешле законға ҡул ҡуйған.
Документ 2025 йылдың 24 декабрендә Башҡортостандың рәсми хоҡуҡи мәғлүмәт интернет-порталында баҫылған.
«Башҡортостан Республикаһының һатып алыу эшмәкәрлеге өлкәһе хеҙмәткәрҙәре көнөн 5 апрелдә билдәләргә», — тиелә документта.
Закон рәсми рәүештә баҫылып сыҡҡандан һуң 10 көн үткәс үҙ көсөнә инә.