19 декабрҙә «Владимир Путин менән йыл йомғаҡтары» программаһы эфирға сыға
19 декабрҙә Мәскәү ваҡыты буйынса көндөҙгө сәғәт 12-лә «Владимир Путин менән йыл йомғаҡтары» программаһы эфирға сыға, тип хәбәр иттеләр Кремлдең матбуғат хеҙмәтенән.
Һәр ваҡыттағыса дәүләт башлығы Владимир Путин тура эфирҙа уҙып барған йылға йомғаҡ яһай, журналистарҙың һәм халыҡтың һорауҙарына яуап бирә.
Һәр кем moskva-putinu.ru (москва-путину.рф) программаһы сайтында, 0–40–40 номерына һәм 8–800–200–40–40 телефоны буйынса СМС йәки ММС-хәбәр ярҙамында һорау бирергә мөмкин. Һорауҙар махсус мобиль ҡушымта аша ла ҡабул ителә (был хаҡта тулыраҡ программаның сайтында белергә була).
Рәсәй Президентына текст һәм видеоһорауҙарҙы «Бәйләнештә» һәм «Класташтар» социаль селтәрҙәре аша ебәрергә мөмкин. Программаның рәсми төркөмдәре – vk.com/moskvaputinu һәм ok.ru/moskvaputinu. Бынан тыш, MAX мессенджерында чат-бот менән файҙаланыу мөмкинлеге бар – max.ru/moskvaputinu.
Һорауҙар 4 декабрҙә Мәскәү ваҡыты менән көндөҙгө 3-тән алып 19 декабрҙә программа тамамланғансы ҡабул ителә.
Башинформ хәбәр иткәнсә, 11 ноябрҙә республика етәксеһе Радий Хәбиров менән тура бәйләнешкә 9591 хәбәр теркәлгән.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.