Радий Хәбиров йәш педагогтарға Башҡортостан Башлығы гранттарын тапшырҙы
26 сентябрҙә Өфөлә Радий Хәбиров республиканың йәш педагогтарына һәм балалар баҡсалары тәрбиәселәренә Башҡортостан Башлығы гранттарын тапшырҙы.
Һәр гранттың суммаһы – 500 мең һум, бөгөн уларҙы 50 йәш тәрбиәсе, педагог-психолог, уҡытыусы-логопед, уҡытыусы-дефектолог, музыкаль етәксе, физик культура буйынса инструкторҙар алды.
Республика етәксеһе уларҙы конкурста лайыҡлы еңеүҙәре, шулай уҡ Тәрбиәселәр һәм мәктәпкәсә белем биреү хеҙмәткәрҙәре көнө менән ҡотланы.
Республика Башлығы һүҙҙәренсә, беҙҙең мәктәпкәсә белем биреү системаһы – илдә иң эреләрҙең береһе. 959 балалар баҡсаһына 200 меңгә яҡын бала йөрөй.
«Беҙ мәктәпкәсә белем биреүҙе үҫтереүгә күп көс һалабыҙ. Һуңғы йылдарҙа 8 мең урынлыҡ 50 балалар баҡсаһы төҙөлдө. Рәсәй Президенты ҡушыуы буйынса илдә балалар баҡсаларын капиталь ремонтлау һәм йыһазландырыу программаһы башланды», – тине Радий Хәбиров.
Киләһе өс йылда 16 мәктәпкәсә белем биреү учреждениеһында ремонт эштәрен башҡарыу планлаштырыла. Уларҙың барыһы ла заманса ҡорамалдар, уйындар һәм уйынсыҡтар менән йыһазландырыла.
Радий Хәбиров Башҡортостанда дәүләткә ҡарамаған мәктәпкәсә секторға әүҙем ярҙам күрһәтелеүе хаҡында һөйләне.
Хәтерегеҙгә төшөрәбеҙ, республикала «Мәктәпкәсә белем биреү сертификаты» проекты тормошҡа ашырыла. 2025 йылда 1725 сертификат бирелгән. 2020 йылдан шәхси балалар баҡсаларында өс йәшкә тиклемге балалар өсөн 1500-ҙән ашыу өҫтәмә урын булдырылған.
Башҡортостан Башлығы Радий Хәбиров балалар баҡсаларының йәш тәрбиәселәренә юғары педагогик оҫталығы, тырышлығы, һөнәренә тоғролоғо һәм балаларҙы яратыуҙары өсөн рәхмәт белдерҙе.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.