Башҡортостан Башлығы Радий Хәбиров хөкүмәттең оператив кәңәшмәһендә республикаға закондарҙы үтәгән хеҙмәт мигранттары кәрәклеге тураһында белдерҙе.
«Беҙгә эшсе көстәр, мигранттар кәрәк. Әммә тик намыҫлы эшләгән, беҙҙең ҡануниәтте үтәгән, традицияларҙы һәм ғөрөф-ғәҙәттәрҙе ихтирам иткәндәр генә. Беҙ балансты тотабыҙ, әммә ул тотороҡһоҙ, шуға ошо турала борсолам», — тине республика етәксеһе.
Хәбиров билдәләүенсә, апрель уртаһына тиклем ул диаспора вәкилдәре менән осрашыу үткәрергә ниәтләй.