Өфө хакимиәте башлығы мэрҙар рейтингында дүртенсе баҫҡысҡа күтәрелде

Өфө хакимиәте башлығы Ратмир Мәүлиев төбәктәрҙең баш ҡалалары мэрҙары һәм илдең эре финанс-сәнәғәт үҙәктәренең «Милли рейтингында» дүртенсе урынға күтәрелде. «Рейтинг» мәғлүмәт коммуникациялары үҙәге Рәсәй хөкүмәте ҡарамағындағы Финанс университеты менән берлектә ғинуар-март айҙарында башҡарылған эшкә анализ яһаған. Уның объекттары – Рәсәйҙең 88 ҡалаһы етәкселәре.

Тикшеренеүҙә билдәләнеүенсә, Ратмир Мәүлиевтың позициялары нығыныуы һәм үҫеүе ҡала хужалығын идара итеүҙе оптималләштереү буйынса системалы эшкә бәйле. Күҙәтеүселәр Өфө мэрының эш стилен системалы тип баһалай. Көндәлек эштең барлыҡ төп йүнәлештәре буйынса тиерлек (йәмәғәт транспорты, ҡала урамдарын ҡарҙан таҙартыу, торлаҡ-коммуналь хужалыҡ, МХО-ға ярҙам) сифатлы үҫеш күҙәтелә.

Хәбәр иткәнебеҙсә, Өфө мэры веломиҙгелде асты һәм ҡала урамдары буйлап рейдҡа сыҡты.

https://www.bashinform.ru/news/politics/2025-03-27/ratmir-mavliev-podnyalsya-na-4-yu-strochku-v-natsionalnom-reytinge-4174337