Башҡортостан Дәүләт Йыйылышы вице-премьер вазифаһына Руслан Хәбибовтың кандидатураһын хупланы

Башҡортостан Дәүләт Йыйылышы республика премьер-министры урынбаҫары — спорт министры вазифаһына Руслан Хәбибовтың кандидатураһын хупланы. Тауыш биреү бөгөн ҡоролтайҙың 18-се ултырышында уҙҙы, ҡарар бер тауыштан ҡабул ителде.

Руслан Хәбибов был вазифала спорт министрлығы, хеҙмәт министрлығы һәм почта өсөн яуаплы. Хәтерегеҙгә төшөрәбеҙ, бынан алдараҡ ул вице-премьер вазифаһын башҡарыусы итеп тәғәйенләнде.

«Мин спорт министры Руслан Таһир улы Хәбибовтың мөмкинлектәрен көсәйтергә ҡарар иттем. Тәү сиратта, федераль хөкүмәт менән эштә», — тип белдергәйне Башҡортостан Башлығы Радий Хәбиров.

https://www.bashinform.ru/news/politics/2025-01-30/gossobranie-bashkirii-odobrilo-kandidaturu-ruslana-habibova-na-post-vitse-premiera-4101969