Башҡорт ҡоролтайында Аҡмулла исемендәге дәүләт премияһын булдырырға тәҡдим ителде
Башҡортостан Республикаһы хөкүмәте премьер-министрының беренсе урынбаҫары вазифаһын башҡарыусы Урал Килсенбаев Бөтә донъя башҡорттары ҡоролтайының VI съезының икенсе пленар ултырышында сығыш яһағанда мәғариф өлкәһендә Мифтахетдин Аҡмулла исемендәге дәүләт премияһын булдырырға тигән тәҡдим индерҙе.
Шулай уҡ Урал Таһир улы телдәрҙе һаҡлау һәм үҫтереү буйынса программала, Башҡортостан Республикаһы Башлығының тел гранттарында ғаиләлә телде үҫтереү йүнәлештәрен ҡарарға тәҡдим итте.
- Балаларҙың башҡорт телен мәктәптә генә өйрәнеп, өйгә ҡайтҡас русса һөйләшеүенән файҙа юҡ. Шуға күрә Башҡортостан Башлығы гранттары программаһында ғаиләлә телде үҫтереү йүнәлешен күҙ уңында тоторға кәрәк, - тип билдәләне Урал Килсенбаев.
Тағы ла бер тәҡдим йыл һайын Бөтә Рәсәй башҡорт теле һәм әҙәбиәте уҡытыусылары съезын үткәреүгә ҡағыла. Бындай тәҡдим менән уҡытыусылар мөрәжәғәт итте.
Урал Таһир улы шулай уҡ башҡорт телен уҡытыуҙың методик базаһын яңыртырға, заманға яраҡлаштырырға тәҡдим итте:
- Башҡорт телен һаҡлау ғына түгел, ә үҫтереү, көсәйтеү мөһим, - тип билдәләне спикер.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.