Радий Хәбиров Башҡортостан судьяларын һөнәри байрамы менән ҡотланы
Бөгөн, 6 декабрҙә, Өфөлә Башҡортостан Башлығы Радий Хәбиров республика судьяларын һөнәри байрамы — 3 декабрҙә билдәләнгән Юристар көнө менән ҡотланы. Республика етәксеһе уларға намыҫлы хеҙмәте, һөнәри оҫталығы өсөн рәхмәт белдерҙе.
«Бөгөн иҡтисадтың үҫешен, предприятие, бизнес социаль өлкә, йәмәғәт һәм сәйәси ойошмаларҙың уңышлы эшләүен юристарһыҙ күҙ алдына килтереп булмай. Һеҙҙең һөнәри ҡарарҙарығыҙ республика үҫешенә йоғонто яһай, күп осраҡта кешеләрҙең яҙмышын билдәләй. Мировой судьялар халыҡҡа иң яҡын суд власы вәкилдәре булып тора. Быйыл президентыбыҙҙың ҡушыуы буйынса республикала мировой судьяларҙың 14 суд участкаһында капиталь ремонт эштәре башҡарылды. Биш йылға иҫәпләнгән эштәрҙе артабан да дауам итәбеҙ. Һөнәрегеҙ ҡануниәт өлкәһен яҡшы белеү, илебеҙ юриспруденцияһы традицияларына тоғролоҡ талап итеүен яҡшы аңлайым. Республикабыҙҙа үҙ бурыстарын намыҫ менән үтәгән, йәмғиәттә хоҡуҡи мәҙәнилекте арттырыуға һәм хоҡуҡи аңды үҫтереүгә булышлыҡ иткән юғары квалификациялы белгестәр — судьялар, прокурорҙар, адвокаттар, нотариустар, юридик факультет уҡытыусылары, хоҡуҡ һаҡлау ведомстволары хеҙмәткәрҙәренең эшләүе менән ғорурланам», — тине Радий Хәбиров.
Башҡортостан Башлығы юридик корпус ветерандарына — тәжрибәле, тоғро белгестәргә, йәштәрҙең аҡыллы остаздарына айырыуса рәхмәт белдерҙе.
«Һеҙҙең һөнәри юлығыҙ һәм бай тәжрибәгеҙ яңы быуын юристары өсөн өлгө булып тора. Хөрмәтле ветерандар, һөнәрегеҙгә тоғролоҡ өсөн алдығыҙҙа баш эйәбеҙ. Башҡортостандың судьялар корпусы киләсәктә лә алда торған етди бурыстарҙы уңышлы хәл итер тип ышанам. Һеҙгә ныҡлы һаулыҡ, бөтмәҫ дәрт, яуаплы эшегеҙҙә уңыштар теләйем», — тип билдәләне республика етәксеһе һәм Башҡортостандың дәүләт наградаларын тапшырҙы.
Белешмә
Бөгөн республика судтарында 2 меңдән ашыу белгес эшләй. Быйыл ғына республика судтары 1 миллион 100 меңдән ашыу эште ҡараған. Йөкләнеш 19% артҡан.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.