Өфө мэры Ратмир Мәүлиев эш сәфәре барышында Белгородта булды. Бында йылы кейем-һалым, аяҡ кейеме, һыу, аҙыҡ-түлек, гигиена әйберҙәре тейәлгән гуманитар ылау килде.
«Белгород хакимиәте башлығы Валентин Демидов менән хеҙмәттәшлек тураһында килешеүгә ҡул ҡуйҙыҡ. Өфө менән Белгород араһында күптән дуҫтарса һәм эшлекле мөнәсәбәттәр булдырылған. Бөгөн бер-беребеҙҙән өйрәнәһе нәмәләр байтаҡ, — тип яҙҙы Ратмир Мәүлиев үҙенең телеграм-каналында. — Артабан да бергә эшләрбеҙ. Ҡалаларыбыҙға уңышлы хеҙмәттәшлек теләйем! Тиҙерәк тыныслыҡ һәм Еңеү көнө тыуһын!»
Бынан алдараҡ Курскиҙа Өфө мэры хәрбиҙәргә 200 дрон һәм УАЗик тапшырҙы.