Башҡортостан Башлығын һайлауҙа Мәскәүҙә лә тауыш бирергә мөмкин

Башҡортостанда республика Башлығын һайлауҙа тауыш биреү өсөн 3032 һайлау участкаһы эшләй. Шулай уҡ республика етәксеһе вазифаһына кандидаттарҙың береһе өсөн Мәскәүҙә лә тауыш бирергә мөмкин. Башҡортостандың Рәсәй Президенты ҡарамағындағы тулы хоҡуҡлы вәкиллегендә лә өс көн һайлау участкаһы асыҡ. Был хаҡта үҙенең телеграм-каналында Радий Хәбиров хәбәр итте.

«Бөгөн Башҡортостанда төрлө кимәлдәге һайлауҙа өс көнлөк тауыш биреү башлана. Был ҙур, яуаплы сара, беҙ уға оҙаҡ әҙерләндек. Беҙҙең бурыс –  республика халҡына тыныс, уңайлы шарттарҙа тауыш биреү мөмкинлеген тәьмин итеү», – тип билдәләне ул.

Хәтерегеҙгә төшөрәбеҙ, Башҡортостанда һайлау өс көн – 6 сентябрҙән 8-енә тиклем бара. Һайлау участкалары иртәнге сәғәт 8-ҙән киске 8-гә тиклем эшләй.

Башҡортостан һайлаусылары араһында «Рәхмәт» акцияһы ойошторола, 330-ҙан ашыу ҡиммәтле бүләк, шул иҫәптән фатирҙар, автомобилдәр һәм шифаханаларға юлламалар уйнатыла.

https://www.bashinform.ru/news/politics/2024-09-06/progolosovat-na-vyborah-glavy-bashkirii-mozhno-dazhe-v-moskve-3914338