Тиҙҙән Дағстан мөфтиәте никабты тыйыу тураһында фәтүә сығара, тип хәбәр ителә республика башлығы хакимиәтенең социаль селтәрҙәрендә.
Был хаҡта республика етәксеһенең йәмәғәтселәр менән осрашыуында Дағстан мосолмандарының рухи лидеры Әхмәт-Әфәнде Абдулаев белдерҙе.
«Рәсәйҙең дин әһелдәре был һорауға яуап бирергә ашыҡмай, ләкин мин яуап бирәм. Беҙ никабты тыйыу тураһында фәтүә әҙерләйбеҙ», — тине Дағстан мөфтөйө.
23 июндә Махачкала һәм Дербент ҡалаларында сиркәүгә, синагогаға һәм полицияға һөжүм булды, шунан һуң никаб тураһында йәнә ҡыҙыу бәхәстәр башланды.
Башинформ хәбәр иткәнсә, Башҡортостан властары теракт ҡорбандарының яҡындарына ҡайғы уртаҡлашыу белдерҙе.