Башҡортостан һәм Өфө яңылыҡтары
87.88
-0.21
96.1
-0.2
84.66
-0.08
16+ °C
Ясна
Бөтә яңылыҡтар
Сәйәсәт
1 Июль , 17:10

Радий Хәбиров Башҡортостан Башлығы вазифаһына кандидатты хуплау ҡағыҙҙарын тапшырҙы

«Башинформ» мәғлүмәт агентлығы
Фото:«Башинформ» мәғлүмәт агентлығы

1 июлдә Өфөлә Радий Хәбиров республиканың Үҙәк һайлау комиссияһына урындағы үҙидараның вәкиллекле органдары депутаттары ҡултамғалары менән Башҡортостан Башлығы вазифаһына кандидатты хуплау ҡағыҙҙарын һәм кандидатты хуплау ҡағыҙҙарына ҡул ҡуйған кешеләр исемлеген тапшырҙы. Уның менән бергә Башҡортостан Үҙәк һайлау комиссияһына «Берҙәм Рәсәй» партияһының төбәк башҡарма комитеты етәксеһе Руслан Насретдинов һәм кандидаттың финанс мәсьәләләре буйынса вәкиле Максим Ульчев килде.

«Үҙәк һайлау комиссияһына Башҡортостан Башлығы вазифаһына сәйәси партияларҙан күрһәтелгән биш кандидаттың документтары килде. Беренселәрҙән булып бөгөн хуплау ҡағыҙҙарын һәм башҡа кәрәкле документтарҙы Радий Фәрит улы Хәбиров тапшырҙы. Башҡа кандидаттар быны 11 июлдән дә һуңға ҡалмайынса эшләргә тейеш. Республика Башлығы вазифаһына кандидаттарҙы теркәү 20 июлдә тамамлана », — тине «Башинформ» агентлығына Башҡортостандың Үҙәк һайлау комиссияһы рәйесе Азат Ғәлимханов.

Башҡортостан Башлығы вазифаһына кандидатлыҡҡа теркәлеү өсөн 2024 йылдың 1 июленән 11 июленә киске сәғәт 6-ға тиклем, хуплау ҡағыҙҙарынан тыш, кандидат тураһында мәғлүмәттәрҙәге үҙгәрештәр тураһында белешмәләр, беренсе финанс отчеты, Рәсәй Федерацияһы сенаторы вәкәләттәрен йөкмәтеү өсөн өс кандидатура хаҡында мәғлүмәттәр бирергә кәрәк.

«Башинформ» хәбәр иткәнсә, Башҡортостан Башлығын һайлау 2024 йылдың 6, 7, 8 сентябренә тәғәйенләнгән.

https://www.bashinform.ru/news/politics/2024-07-01/radiy-habirov-podal-listy-podderzhki-kandidata-na-post-glavy-bashkirii-3830358

Автор:Азат Ғиззәтуллин
Читайте нас: