Башҡортостан һәм Өфө яңылыҡтары
87.88
-0.21
96.1
-0.2
84.66
-0.08
14+ °C
Ясна
Бөтә яңылыҡтар
Сәйәсәт
14 Июнь , 14:38

Йәштәр сәйәсәте буйынса дәүләт комитетының элекке етәксеһе Яна Гайдукты вәкәләттәрен арттырыуҙа ғәйепләйҙәр

Яна Гайдук/vk.com
Фото:Яна Гайдук/vk.com

Республика йәштәр сәйәсәте буйынса дәүләт комитетының элекке рәйесе Яна Гайдукты Йәштәр йорто — «Йэшлек хаус»ты ремонтлау эштәрен башҡарған ваҡытта вазифа вәкәләттәрен арттырыуҙа ғәйепләйҙәр.

Башҡортостандың Тәфтиш комитеты мәғлүмәттәренә ярашлы, 2021 йылда Гайдук, конкурс процедураларын, шулай уҡ мәҙәни мираҫ объекттарын һаҡлау тураһында нормаларҙы боҙоп, Пушкин урамындағы Костерин һәм Черников йортон төҙөкләндереү өсөн подрядсы ойошма менән үҙ аллы килешеү төҙөгән. Үҙ вазифаһынан файҙаланып, республика ирекмәндәр хәрәкәте һәм йәштәрҙең башланғыстарына ярҙам үҙәге етәкселеген үҙе эҙләп тапҡан подряд ойошмаһы менән эшләргә, формаль рәүештә конкурс процедураларын үткәрергә, килешеү төҙөргә һәм һайлап алынған подрядсыға башҡарылған эштәр өсөн республика бюджетынан бүленгән 5,2 миллион һумдан ашыу аҡса түләргә мәжбүр иткән.

Суд 9 авгусҡа тиклем уны өйҙә һаҡ аҫтында ҡалдырҙы.

Хәтерегеҙгә төшөрәбеҙ, бынан алдараҡ Яна Гайдуктың фатирында һәм эш урынында тентеү үткәреүҙәре билдәле булды. Ә йыл башында ул үҙ теләге менән дәүләт комитеты етәксеһе вазифаһын ҡалдырҙы.

https://www.bashinform.ru/news/politics/2024-06-14/eks-rukovoditelya-goskommolodezhi-yanu-gayduk-obvinyayut-v-prevyshenii-polnomochiy-3809709

Автор:Ләйсән Закирова
Читайте нас: