Радий Хәбиров Үҙәк һайлау комиссияһына документтар тапшырҙы

Бөгөн, 11 июндә, Радий Хәбиров республика Башлығын һайлауҙа ҡатнашыу өсөн Үҙәк һайлау комиссияһына документтар тапшырҙы.

Һайлау комиссияһына ул «Берҙәм Рәсәй» партияһының төбәк башҡарма комитеты етәксеһе Руслан Насретдинов һәм кандидаттың финанс вәкиле Максим Ульчев менән килде. Уның документтарын республиканың Үҙәк һайлау комиссияһы рәйесе Азат Ғәлимханов һәм уның ике урынбаҫары ҡабул итте. Һайлау комиссияһында билдәләүҙәренсә, ул — Башҡортостан башлығын һайлауҙа ҡатнашыу өсөн ғариза биргән тәүге кандидат.

«Халыҡ мине хуплармы, был минең өсөн бик мөһим, сөнки беҙ биш йыл буйына кешеләр тейешенсә баһалаһын һәм эшебеҙҙән ҡәнәғәт булһын тип эшләнек. Был һәр ваҡыт тулҡынландырғыс һәм яуаплы. Тиҙҙән башҡа кандидаттарҙың, башҡа сәйәси партияларҙың ғариза биреүен көтәбеҙ, бәлки, үҙ-үҙҙәрен тәҡдим итеүселәр булыр», — тине Радий Хәбиров.

Максим Ульчев ойоштороу эше, документтарға бәйле процедуралар менән шөғөлләнә, тип өҫтәне ул. Уның һүҙҙәренсә, хәҙер һайлау штабын ойоштороу башлана.

«Башинформ» хәбәр иткәнсә,  Башҡортостан Башлығын һайлау 6, 7 һәм 8 сентябрҙә үткәрелә.

https://www.bashinform.ru/news/politics/2024-06-11/radiy-habirov-podal-dokumenty-v-tsik-bashkirii-dlya-uchastiya-v-vyborah-glavy-regiona-3806229