Рәсәйҙә алимент буйынса бурыслылар реестры булдырыла

Федерация Советы алимент буйынса бурыслылар реестрын булдырыу законын бер тауыштан хупланы. Документ бәлиғ булмаған балаларҙы йәки 18 йәше тулған эшкә һәләтһеҙ балаларҙы йә иһә эшкә һәләтһеҙ ата-әсәләрҙе ҡарауға аҡса түләмәгән өсөн административ йәки енәйәт яуаплылығына тарттырылған, алимент буйынса бурыслылар хаҡында мәғлүмәттәрҙе индереүҙе күҙ уңында тота.

Федерация Советының телеграм-каналында хәбәр ителеүенсә, алимент буйынса бурыслыларҙың айырым реестры Федераль суд приставтары хеҙмәтенең башҡарма производстволары мәғлүмәттәре банкының бер өлөшө булып тора. Түләмәүселәрҙе эшкә урынлаштырыу тураһында көнүҙәк мәғлүмәт алыу өсөн Рәсәй Федераль суд приставтары хеҙмәте автоматик рәүештә дәүләт власы органдарынан һәм бюджеттан тыш дәүләт фондтарынан тейешле мәғлүмәт һорап алыу хоҡуғы бирелә. Бынан тыш, бурыслыға бер тәүлек эсендә реестрға индереү йәки унан сығарыу тураһында хәбәр ителергә тейеш.

«Башинформ» Башҡортостанда әсәнең балаларына 1 миллион һум алимент йыйылыуы тураһында хәбәр иткәйне.

https://www.bashinform.ru/news/politics/2024-05-22/v-rossii-poyavitsya-obschedostupnyy-reestr-dolzhnikov-po-alimentam-3778307