Радий Хәбиров Үзбәкстанды Башҡортостандың мөһим стратегик партнеры тип атаны
Башҡортостан Башлығы Радий Хәбиров 17 майҙа Ташкент өлкәһе хакимы Зойир Мирзаев һәм Фирғәнә өлкәһе хакимы урынбаҫары Нуриддин Мамажанов менән осрашты. Республика етәксеһе Үзбәкстан делегацияһы менән халыҡ-ара хеҙмәттәшлектең юл картаһын тикшерҙе.
«Үзбәкстан — беҙҙең өсөн бик мөһим, стратегик партнер, ул республикабыҙҙың тышҡы сауҙа әйләнеше өлөшө буйынса бишенсе урынды биләй. Шул уҡ ваҡытта мөнәсәбәттәрҙе артабан үҫтереү өсөн яҡшы мөмкинлектәр бар, беҙ быны уңышлы тормошҡа ашыра алабыҙ. Осрашыуыбыҙ иң тәүҙә сәнәғәт кооперацияһын формалаштырыуға булышлыҡ итер тип ышанам. Мәҙәни, гуманитар һәм туристик алмашыу йүнәлештәрен дә тикшереү мөһим», — тип Хәбировтың һүҙҙәрен килтерә Башҡортостан Башлығының матбуғат хеҙмәте.
Ташкент өлкәһе хакимы Зойир Мирзаев производство һәм бизнес өлкәһендә мөнәсәбәттәрҙе яйға һалыуҙы сәфәрҙең төп маҡсаты тип билдәләне.
«Беҙ яңы үҫеш нөктәләрен булдырыу өсөн мөмкинлектәребеҙҙе күрһәтергә, төрлө өлкәләрҙә төбәгегеҙҙең алдынғы тәжрибәһен өйрәнергә әҙербеҙ», — тип билдәләне ул.
Фирғәнә өлкәһе хакимы Нуриддин Мамажанов әйтеүенсә, киләһе аҙнала Өфөгә Башҡортостан менән артабанғы хеҙмәттәшлек йүнәлештәрен ентекле тикшереү өсөн вәкиллекле делегация килә.
Шулай уҡ осрашыуҙа Үзбәкстан өлкәләре менән логистик бәйләнештәрҙе үҫтереү һәм сәнәғәт кооперацияһын үҫтереү мөмкинлектәре тикшерелде. Һүҙ республика биләмәһендә уртаҡ технопарктар булдырыу хаҡында бара.
«Бөгөн тап технопарктар иҡтисад өсөн үҫеш драйверҙары булып тора. Шул уҡ ваҡытта беҙ уларҙың эшенең төрлө йүнәлештәрен ҡарарға әҙер. Улар машина эшләү, туҡыу, фармацевтика һәм башҡалар булырға мөмкин. Хеҙмәттәшлекте үҫтереүҙең юл картаһы нигеҙендә эшләргә тип һөйләшеп килештек. Әлеге сәфәр аныҡ проекттарҙы тормошҡа ашырыу өсөн һәйбәт этәргес булыр», — тине Радий Хәбиров.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.