Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Сәйәсәт
7 Май , 11:45

Башҡортостанда транспорт министры вазифаһын башҡарыусы тәғәйенләнде

«Подслушано в Башкирии» телеграм-каналы
Фото:«Подслушано в Башкирии» телеграм-каналы

Любовь Минакова Башҡортостандың транспорт һәм юл хужалығы министры вазифаһын башҡарыусы итеп тәғәйенләнде, быға тиклем ул ведомство етәксеһе урынбаҫары вазифаһын биләне, тип хәбәр иттеләр хөкүмәттең матбуғат хеҙмәтенән.

Транспорт министрлығы сайтында баҫылған мәғлүмәттәр буйынса, Любовь Минакова 1981 йылда Магадан өлкәһенең Анадырь ҡалаһында тыуған. «Бухгалтер иҫәбе, анализ һәм аудит» белгеслеге буйынса Санкт-Петербург дәүләт политехник университетын тамамлаған. Транспорт компанияларында һәм башҡарма власть органдарында эшләү тәжрибәһе бар.

Хәтерегеҙгә төшөрәбеҙ, бөгөн юл хужалығы министры Александр Клебановтың ҡулға алыныуы тураһында билдәле булды. Ул айырыуса ҙур күләмдә ришүәт алыуҙа ғәйепләнә. Башҡортостан Башлығы чиновникты биләгән вазифаһынан бушатыу тураһында указға ҡул ҡуйҙы.

https://www.bashinform.ru/news/politics/2024-05-07/v-bashkirii-naznachili-ispolnyayuschego-obyazannosti-ministra-transporta-3756863

Автор:Ләйсән Закирова
Читайте нас: