Радий Хәбиров махсус хәрби операцияла һәләк булғандарҙың туғандарына Рәсәйҙең дәүләт наградаларын тапшырҙы

Өфөлә махсус хәрби операцияла һәләк булған яугирҙарҙың туғандарына Рәсәй Федерацияһының дәүләт наградаларын тапшырыу тантанаһы үтте.

«Бөгөн беҙ ысын геройҙарға, ҡыйыу ил һаҡсыларына хөрмәт күрһәтәбеҙ. Махсус хәрби операцияла ғүмере ҡыйылған яугирҙәрҙең туғандарына һәм яҡындарына юғары дәүләт наградаларын тапшырҙыҡ, — тип яҙҙы Радий Хәбиров үҙенең телеграм-каналында. — Андрей Павлович Мигунов, афған һуғышы ветераны, «Башҡортостан» полкының танк батальоны командиры үлгәндән һуң Рәсәй Геройы исеменә лайыҡ булды. Олег Павлович Маленков, Игорь Ринадович Никитин, Дим Миңлейәр улы Шәрипов үлгәндән һуң Батырлыҡ ордендары менән бүләкләнде».

Радий Хәбиров билдәләүенсә, яҡташтарыбыҙ тиңе булмаған батырлыҡ күрһәткән.

«Улар үҙ ғүмерен Ватанға хеҙмәт итеүгә бағышланы, уларҙың исемдәре илебеҙҙең һәм республикабыҙҙың героик тарихына мәңгелеккә яҙылған, — тип билдәләне ул. — Һәләк булған яугирҙарға мәңгелек дан! Мәңгелек хәтер!»

Бынан алдараҡ Башинформ яҡташыбыҙ Рөстәм Рамазановтың яраланған иптәштәрен һәм техниканы ут аҫтынан алып сығыуы тураһында хәбәр иткәйне.

https://www.bashinform.ru/news/politics/2024-03-21/radiy-habirov-peredal-gosudarstvennye-nagrady-rf-rodnym-pogibshih-na-svo-boytsov-3694973