Республикала граждандарға илһөйәрлек тәрбиәһе биреү буйынса координация советы ойошторолдо

Башҡортостанда граждандарға патриотик тәрбиә биреү буйынса Республика координация советы булдырылды. Башҡортостан Башлығы Радий Хәбиров ҡул ҡуйған тейешле указ республиканың рәсми хоҡуҡи мәғлүмәт интернет-порталында баҫылған.

Документта совет тураһында положение, шулай уҡ уның составы раҫланған. Унан күренеүенсә, координация советы эшмәкәрлегенең маҡсаты - республиканың дәүләт органдары, урындағы үҙидара органдары, йәмәғәт ойошмалары эшмәкәрлеген берләштереү һәм координациялау аша граждандарға илһөйәрлек тәрбиәһе биреү системаһын үҫтереү.

Советтың бурыстары: ошо өлкәлә берҙәм сәйәсәтте тормошҡа ашырыу өсөн граждандарҙы патриотик тәрбиәләү субъекттарының бәйләнешен тәьмин итеү; граждандарҙы патриотик тәрбиәләү системаһын үҫтереү буйынса тәҡдимдәр әҙерләү.

Координация советы составына совет рәйесе, рәйес урынбаҫарҙары, секретары һәм ағзалары – республиканың дәүләт органдары, федераль башҡарма власть органдарының Башҡортостандағы территориаль органдары, урындағы үҙидара органдары һәм ойошмалары вәкилдәре инә.

Указ үҙ көсөнә ингән.

https://www.bashinform.ru/news/politics/2024-03-13/v-bashkirii-sozdali-koordinatsionnyy-sovet-po-patrioticheskomu-vospitaniyu-grazhdan-3679613