Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Сәйәсәт
11 Март , 11:20

Республика Ҡоролтайы депутаты Салауат Хөсәйенов Салауат Юлаев ордены менән бүләкләнде

«Башинформ» мәғлүмәт агентлығы архивы
Фото:«Башинформ» мәғлүмәт агентлығы архивы

Башҡортостан Башлығы бөгөн, 11 мартта, республика Ҡоролтайы рәйесе урынбаҫары Салауат Хөсәйеновты Салауат Юлаев ордены менән бүләкләү тураһында указға ҡул ҡуйҙы. Был хаҡта Радий Хәбиров хөкүмәттең оператив кәңәшмәһендә әйтте.

«Салауат Сәхи улын күптән беләбеҙ, ул бик күп һәм емешле эшләй. Хәҙер ир-егеттәребеҙгә ярҙам итеү өсөн ваҡытын һәм көсөн йәлләмәй. Бер нисә тапҡыр гуманитар ылау менән махсус хәрби операция зонаһына барып ҡайтты. Бөгөн мин уны Салауат Юлаев ордены менән бүләкләү тураһындағы указға ҡул ҡуйҙым. Салауат Сәхи улы, ҡотлайбыҙ! Уңыштар, артабан да Башҡортостан мәнфәғәте өсөн әүҙем эшләүегеҙҙе теләйбеҙ», - республика етәксеһе.

Хәтерегеҙгә төшөрәбеҙ, Салауат Хөсәйенов 2023 йылдың көҙөнән профессиональ нигеҙҙә республика парламенты рәйесе урынбаҫары вазифаһын башҡара.

https://www.bashinform.ru/news/politics/2024-03-11/zampredsedatelya-kurultaya-bashkirii-salavat-husainov-predstavlen-k-ordenu-salavata-3675716

Автор:Ләйсән Закирова
Читайте нас: