Радий Хәбиров «Губернаторҙар клубы» ултырышында ҡатнаша

Радий Хәбиров «Губернаторҙар клубы» ултырышында ҡатнаша. Республика Башлығын иғлан иткәндә модератор Башҡортостандың 2024 йылда «Яңы заман өсөн көслө идеялар» форумына ебәрелгән ғаризалар һаны буйынса рекордсмен булыуын әйтте (бөтәһе 3707 идея).

«Стратегик башланғыстар агентлығы уҙғарған «Яңы заман өсөн көслө идеялар» форумы тураһында фекер алышабыҙ, — тип уртаҡлаша Башҡортостан Башлығы үҙ блогында. — Коллегаларым менән ризалашам, беҙ республикала халыҡ үҙ идеяларын бойомға ашыра һәм юғары һөҙөмтәләргә өлгәшә алһын өсөн яҡшы инфраструктура булдырғанбыҙ».

Башҡортостанда граждандар, йәмәғәтселек әүҙемлеге, граждандар йәмғиәте институттарын булдырыу өсөн экомөхит оҙаҡ формалашты, тип билдәләне Радий Хәбиров. Республика етәксеһе граждандарҙың әүҙемлеген үҫтереү өсөн йыл да Башҡортостан Башлығының дөйөм суммаһы 300 миллион һумлыҡ гранттарын тапшырыуҙы миҫалға килтерҙе. Башҡортостан президент гранттарында ла әүҙем ҡатнаша. Медиалогия мәғлүмәттәре буйынса, форумды яҡтыртыу күләме буйынса Башҡортостан Мәскәүҙән ҡала икенсе урынды биләй.

https://www.bashinform.ru/news/politics/2024-02-19/radiy-habirov-uchastvuet-v-zasedanii-kluba-gubernatorov-3649604