Башҡортостан властары ҙур объекттарҙы үҫтереүгә хуплау тапты
Улар иҫәбендә — Урал аръяғынан Ҡаҙағстанға тимер юлы һәм «Алға» махсус иҡтисади зонаһын киңәйтеү.
Башҡортостан Башлығы Радий Хәбиров Рәсәйҙең иҡтисади үҫеш министры Максим Решетников менән осрашыуҙан һуң социаль селтәрҙәге сәхифәһендә Башҡортостандың инфраструктура объекттарын үҫтереү башланғыстарын хуплағаны өсөн уға рәхмәт белдерҙе.
«Бөгөн Сибай — Подольск — Новорудная тимер юл тармағы төҙөлөшө буйынса юл картаһын ентекле тикшерҙек. Ул ысынлап та республиканың иң ҙур инфраструктура тимер юл объекты булыр тип ышанам.
Шулай уҡ «Алға» махсус иҡтисади зонаһын Өфө районы, Салауат һәм Ағиҙел ҡалалары биләмәләренә киңәйтеү тураһында һөйләшеп килештек. Инвесторҙарҙың беҙҙең махсус иҡтисади зонаға ҡыҙыҡһыныуы артыуын күрәбеҙ. Булған майҙандар әле резервта. Шуға күрә беҙ тағы ла күберәк майҙандар булдырырға тейешбеҙ. Белоруссияға һуңғы сәфәребеҙҙән һуң инвесторҙар менән 100 миллиард һумлыҡ инвестицияларға килешеүҙәр төҙөп алып ҡайттыҡ.
Әлбиттә, Рәсәй менән Ҡаҙағстандың XX төбәк-ара хеҙмәттәшлек форумының төп планын билдәләнек. Алдан әйткәнемсә, Ҡаҙағстан Башҡортостан өсөн бик мөһим һәм кәрәкле тышҡы иҡтисади партнер булып тора», — тип яҙҙы Радий Хәбиров.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.